上海

Poll without page-refresh

Article on other languages:

	del.icio.us
	Digg
	Furl
	Reddit
	Rojo
	Add to OnlyWire

吴越主题页面

上海主题页面

陆家嘴个看法，一个财政区在浦东。

上海（上海言话，[zɑ̃he]），简称沪，别称申，是中华人民共和国个直辖市之一。勒了中国东部长江冲积三角洲，濒临东中国海，勒浪长江入海口南岸。眼门前中国发展得顶快个城市，也是经济顶发达个城市之一，伊拨认为是中国个商业搭金融中心，是全世界公宁额全中国顶大额城市。2005年上海年货吞吐量有得4.43亿吨介多。2006年成为世界高头第三大集装箱港口，吞吐量有得2171万标准集装箱，齐巧勒仔新加坡高香港个后头。2006年上海个人均GDP已经达到了7490美元，是中国大陆地区个第一位。2010年，世界博览会会得勒上海举行。

行政区划

2005年年底，上海有18个区、1个县，118个镇，3个乡，100个街道办事处，3293个居民委员会搭仔1991个村民委员会。

上海行政区划

历史

上海地区，苏州河以南于公元751年（唐明皇天宝十年）乃嘉兴东半边、海盐北面、昆山南边从原来的地方拆开来，重新设了额华亭县。1277年（元朝至元十四年）乃华亭县升级为华亭府，第二年改叫松江府。到满清宁的晨光松江府辖有华亭、娄、上海、青浦、金山、奉贤、南汇7则县和川沙抚民厅。苏州河以北于1218年1月7日（南宋嘉定十年十二月初九日）设嘉定县，后头又从当中了出一部分作为宝山县。上海市区原先是苏州河下游的一个渔村，至唐宋逐渐成为繁荣的港口。南宋晨光（1265-1274年）建上海镇，镇因了该黄浦江西的上海浦得名。国民党额晨光于1927年设立上海特别市，1930年5月改称上海市。

1840年以后，上海老早寺被逼了该开放各港口。结古来了交关外国人，勒浪上海开资嘎。伊拉有寺家各法律特自营政机构。为有交关犹太人逃到此地，勒浪上海开底铺，扒仔木老老钞票，变成功富翁。葛末还勒浪上海造仔交关多个房子。哈同、沙逊就是其中鼎鼎有名个犹太人。1949年以后，伊拉侪跑脱哉。

方言

上海言话属于吴语太湖片个苏沪嘉小片（也有得另外一种讲法，就是上海市区言话应该从苏沪嘉小片当中独立出来），也有得人拿上海言话叫“沪语”。

解放前头个30年代真真叫是上海言话个黄金期间。出现了交关吴语文学作品、其中大多数是张爱玲迭个上海本土作家创作出来个。伊个辰光个上海人发明了交关新个汉语词汇，拨拉普通言话吸收得去了。当时个上海，上海言话是绝对个主流，勿管外地人要学上海言话，就是外国人也勒盖学。上海个交通大学^{需要资料证明}，也是用上海言话来授课个，像圣约翰大学、同济医学院搿鼐。

解放以后，全中国开始推广普通言话。必过上海人还是欢喜讲自家个上海言话，上海人勒勒上海是从来勿讲普通言话个。伊个辰光全国实行老严格个户口制度，外地人移民到上海个是邪气少。葛咾就算政府勒勒强行推广普通言话，上海言话蹲勒上海还是相当个强势个。

九十年代浦东开发以后，外地人特兹乡下宁开始源源不断个到仔上海来。帮解放前头个移民潮勿一样个是，搿趟子个移民是来自全国各地个，是勿会得讲吴语个。再加上上海人经过学堂里个教育，儕会得讲一口唠流利个普通言话，葛唠新个上海人搭仔老个上海人开始用普通言话交流了。辰光一长，勒了上海个交关公共场合就只听得到普通言話了，上海言话讲个人已经越来越少了。并且，政府推广普通言话个立升是邪气吓人。学堂里个老师勿好讲上海言话，学生子勒勒课间休息个辰光也勿好讲上海言话，电视台个上海言话节目拨拉纷纷取消，交关老优秀个上海言话电视剧也勿拨拉放，广播台个上海言话节目也拨关脱了，吴语个报刊杂志就更加嘸沒哉。葛唠搿能仔一来，上海言话已经到了要受保护个田地了。

进入廿一世纪以来，上海出现了一批本土学者，伊拉对于上海言话个逐渐消亡是邪气担心。纷纷提出保护、传承上海言话个方案帮仔行动。眼门前，上海言话已经拨拉越来越多个上海人所重视了。交关年轻个上海小人又发明了邪气多个新词汇，上海言话正勒勒复兴个过程当中。上海言话搭仔其他吴语地区个方言个融合也了拉慢慢交进行。

现代的上海年轻人使用上海话聊天也是司空见惯。至今，上海人还是喜欢使用当地语言，但也令很多外地人感觉到上海人排外的心理，但实际上这是上海市民保护祖宗遗留下来俄口头遗产，最好额形式。

文化教育

上海老早底是全中国头一个接触外国人个场花。葛咾交关英文单词侪是以上海个发音来音译个。比方讲，水门汀、席梦思咾啥。必过现在上海已经呒无搿能界个机会哉。外加现在上海交关小宁刚上海言话已经勿大灵光哉。

老早，上海个电影是全中国头一位。1949年以后，上海勒浪文化方面慢慢交失去着伊个领先地位。但是，伊独特额海派文化始终特兹香气额京派文化属于两则不同额中国文化，上海额海派文化始终是一种真正额传统特兹外来文化最好额融合，也是国际上承认的一种高雅额中国文化。文化革命之前上海曾经拍过勿少根据滑稽戏改编个电影，比方讲，1963年个《如此爹娘》搭《七十二家房客》，搿眼电影用个语言包括仔交关场花个吴语方言搭仔带山东腔、江北腔还有广东腔个上海言话，舞台剧味道蛮浓个。九十年代，上海自家拍仔一部完全用上海言话讲个电视剧，是描写都市生活个正剧，叫《孽债》，几化讨人欢喜，必过后叟来重播个辰光拨改成功普通言话哉。接下来上海还拍仔一部用上海言话讲个正剧叫《何须再回首》，搿趟朆通过审查，乃末弗来事于是呼改成功普通言话播出。现在上海荧屏高头个上海话节目只有号称地方曲艺滑稽戏个情景喜剧，比如讲《老娘舅》帮子《开心公寓》。节目个质量整体浪来讲，水平弗高，内容庸俗，低级趣味，顶重要个是交关辰光一眼也勿好笑。滑稽节目口碑勿佳，必过收视率倒是老高个，侧面浪反映着上海人对沪语节目个需求。上海人要求中央政府放宽对方言影视作品管制个呼声也勿低。

上海老里八早个广播电台是有上海言话个广播个。必过现在已经呒无啥哉。东方广播电台有一档《阿拉上海人》个节目，部分内容是用上海言话播出个，交关受听众欢迎。两个主持人沈蕾帮晓林也侪老崭个。现在每额礼拜午半天五点钟望里，上海人民广播电台细切频率有一档叫《笑笑乐翻天》额节目，专门布放点老滑稽。有兴趣额听众阿好去听听看额。

上海个教育事业邪气发达。有勿少全国一流个大学。譬如1949年以前个交通大学、圣约翰大学、震旦大学咾啥。而且页额晨光额交通大学全世界搞头阿好数数额，萨宁像现在额清华特兹北大，狠三狠四阿排不上名次额。解放以后到如今，比较有名个大学有上海交通大学、复旦大学。

经济

上海个经济是老发达个。1949年以前，就是全中国顶结棍个。现在原旧是中国经济个龙头。股市房产，至今仁为上海主要投资方向。

交通

往莘庄个上海轨道交通一号线已经在人民广场站到达。

城市交通

上海个交通也勒海发生交关大个变化。搿辰光个上海已经有得8条地铁哉，已经是全中国排名第一额勒，远远超股北京特兹其他城市。勒2010年世博会前头还要造拢总10条地铁。勒浪张江边浪向还有磁悬浮火车，去浦东国际机场需要8分钟辰光。必过呢上海个地面交通交关轧，想开车子去上班或者白相是勿大来三个。上海的巴士四通八达，指示牌、报站清晰，高峰时期5分钟间隔。效率颇高。上海额公交车一般性都有的英文报站，外国朋友了还此地白相乘公交车阿不会的有萨困难额。

全面细致个城市交通轨道,请望：http://www.myliving.cn/metro/index.htm

航班

上海现在是全国唯一一额有两则国际机场额城市，一则是虹桥机场，一则是浦东机场。浦东机场比起虹桥来刚是新造额，各种么事塞老好额，也是上海额标志之一。

铁路交通

上海滩了嗨1987年以前，一直是使用天目路伊面额老北站，后搜由于老北站宁太多了，轧瑟西，所以了嗨现在的位置造了新额上海站。普通市民欢喜叫伊新客站，来特老北站区别开来。

公路交通

注解

外部链接

上海市政府网站

上海市行政区划

市辖区：	黄浦区 \| 卢湾区 \| 徐汇区 \| 长宁区 \| 静安区 \| 普陀区 \| 闸北区 \| 虹口区 \| 杨浦区宝山区 \| 闵行区 \| 嘉定区 \| 松江区 \| 金山区 \| 青浦区 \| 南汇区 \| 奉贤区 \| 浦东新区
县：	崇明县

中华人民共和国省级行政区划

直辖市：	北京市 \| 天津市 \| 上海市 \| 重庆市
省：	黑龙江省 \| 吉林省 \| 辽宁省 \| 山东省 \| 河北省 \| 山西省陕西省 \| 甘肃省 \| 青海省 \| 江苏省 \| 安徽省 \| 河南省 \| 湖北省浙江省 \| 江西省 \| 湖南省 \| 四川省 \| 福建省 \| 广东省 \| 贵州省云南省 \| 海南省 \| 台湾省（实际拨中华民国控制，参见台湾问题）
自治区：	新疆维吾尔自治区 \| 内蒙古自治区 \| 宁夏回族自治区西藏自治区 \| 广西壮族自治区
特别行政区：	香港特别行政区 \| 澳门特别行政区

取自“http://wuu.wikipedia.org/wiki/%E4%B8%8A%E6%B5%B7”

This article is from Wikipedia. All text is available under the terms of the GNU Free Documentation License.

Giant Panda

Mercedes Car

This site monitored by SitePinger.net